BIANTARA PERWAKILAN OSIS

Assalamu’alaikum wr wb….

Sampurasun…

Bapa kepala sekolah anu ku sim kuring dipihormat,

 Bapa miwah Ibu guru  anu ku sim kuring dipihormat

Hadirin  tamu uleman  oge anu ku sim kuring dipihormat,

Akang sareng Teteh kelas 9 anu ku sim kuring dipikacinta.

Puji sareng sukur urang sanggakeun ka Alloh SWT

Sholawat sinareng salam mugia ngagoloncor ka jungjunan urang sadaya, Nabi Muhammad SAW.

Langkung ti payun sim kuring seja ngahaturkeun nuhun, parantos dipaparin kasempean kanggo ngiring jajap, ngawilujengkeun ka Akang sareng Teteh kelas 9, anu parantos rengse tolabul ilmu di ieu sakola.

Teu seueur nu bade dipisanggem, mugia sagala rupi anu dicita-citakeun ku akang sareng Teteh tinekanan tur aya dina kaberkahan Alloh SWT, tiasa ngamangpaatkeun elmu anu parantos ditampi, tur tiasa ngajaga kahormatan almamater urang.

Sim kuring ngawakilan sadaya siswa kelas 7 sareng kels 8 seja rojong du’a..mugia sagala rupina aya dina kalancaran, nyungkeun pangapuntenna boh bilih salami urang sasarengan seueur kalepatan.

JALAN CAGAK SARIATER

JALANNA NANJAK JEUNG MUTER

LAMUN JAGA ATOS PINTER

TONG HILAP KA ALMAMATER

Sakitu nu kapihatur….

Billahi taufik walhidayah.

Wassalamu’alaikum wr wb…..Cag